Tongsan Weekly Journal

“…ki-itna, lung kituakna, ngaihsutna kibang…” (Phil. 2:2)

Archive for May, 2009

Lungkim lohna kilak

Posted by khampeek on 28/05/2009

Kawlgam kumpi ki ukna hoih lohna hangin haksatna tampi tawh Kawl mite leh a diakdiak in ei Zomite gamdang mun tuamtuam ah i kithehthang hi. Hih bang a Kawlgam galkap kumpi gamtat siatna leh a manlo ki Ukna sung pan suahtakna ding leh mipite liangko kikim a nuntak nop zawkna ding ki Ukna (Democrecy) ki Ukna adeih Daw Aung San Suu Kyi pen tuni dong Uital Kumpite in suakta sak loin kemcip uh hi.

Tua bek tham loin, nung kalsawn sung a kipan in US gammi Mr.Yattaw kici pa kimuhpih simna hangin
ASSK man leuleu in Insein Thonginn(Yangon) ah koih uh a, thusitna lianpi thuaksak leuleu uh hi. Hih Uitalte gamtatsiatna uh leitung gam tampi leh UNO,ASEAN,Europe gamte banah mihing suahtakna lam nasem pawlte NGO tuamtuamte in mawhsakna leh lungkimlohna lak ziahziah uh hi. Mun tuam gam tuam a tung Kawlgam mite in zong ki lainatpih ciatin lungkimlohna (Demonstration) kilak ziahziah hi.

Hih lungkimlohna(Demonstration) ding tawh kisai in, Norway gam Amnesty International te hanciampihna tawh Kawl gammi ASSK party NLD te leh Zomi sung pan Pu Pum Za Chin makaihna tawh Zomite tam pen penna Stavanger City(Norway) ah May 28,2009 (Thursaday) ni-in Lungkimlohna(Demonstration) nasiatak kinei hi. Hih hun sungah sanggam Hakha te leh ei Tedim mite kibullut pha mahmah hi. Thugenpi te pen Amnesty International,( Director)in Norway pau tawh, Pu Pum Za Chin(ZNC President,Noyway)in Mikang pau, Ko Thitsa (NLD,Chairman,Norway)in Kawlpau tawh ASSK thuaknate leh lungkimpihlohna thute simkhiatna nei uh hi.

Sia Khampeek(Tongsan Pu) makaihna tawh 88 Students te in Daw Aung San Suu Kyi aphuah uh Kawlla ngaih mahmah dawng khat Zomi Tuailai te in zai ziahziah uh hi. Norway pan kikhah khia Kawlgam TV akici DVB pan thukante leh Norway gamah aminthang pen NRK leh TV2 cihte in Video tawh nasiatak Record hong nei uh hi. Norway gam sungah a minthang pen Aftenblad News paper ah ASSK lim leh a thu kicingtak kisuak sak lai hi. Tua banah ASSK Nobel Peace Prize a pia makaipipa Mr. Rune Hersvik zong hong kihel in, makai teng tawh holimna leh Video, Man(Photo) kilakna kinei hi. Mai lamah ASSK cidam a hong suahtak ni ciangin Stavanger City,Norway ah a khekhap lim(Foot print) bawl sak dingin kikupna kinei hi.

Tua ahih manin mundang gamdang a tungsa Zomi a tam zawte in Democrecy makaipinu Daw Aung San Suu Kyi(ASSK) paulap in UN zumte khawngah gam vai sem taktak lopi, a sem leh a thuak gawp bangin thu kigen thei hi. UNte in a taktak mah sa in hong hehpihna tawh gam thumna a tunlawh zong mi tampi mah ki om kha ding hi. Tua banah ASSK tawh nasem khawm Pu Chin Sian Thang(ZNC-President) theihpihna lai tawh gamthumna angah lawh zong om kha lai ding hi hang. Hih ASSK leh Pu Chin Sian Thangte thuakna tungtawn in, hamphatna i ngahna te mangngilh loin, i gammite gentheih haksatnate panpih theih banga i panpihna tawh hih bangin Lungkimlohna akilakkhia ahi hi. Zomi a kua maciat in gamdang panin na veiina zahzah tawh ASSK leh i minam a ding nasem thei hi hang. Tu laitak zong Pu Chin Sian Thang leh U Tin Oo te in Daw ASSK thongkiatna(Insein) ah nisim in hawh denin thuakpih, panpih mahmah uh hi. Pasian a it taktakte in a minamte it takpi uh hi.

Tutung Norway pan Zomite hanciamna tawh kinei ASSK thuakna vai lungkimlohna (demonstration) tawh kisai nasepnate DVB -TV and DVB Radio (Norway) pan Kawlgambup leh leitung mun khempeuh ah kimu thei ding hi. Tutung Norway Zomite nasepna Record Man(Photo)te asawt loin ZONET leh TONGAN Website te pan hong kisuak sak lai ding hi. Topa Pasian in Kawlgam leh Zogam thupha pia hen.

Minam nasepna Kiu khat pan,

Sia Khampeek (Tongsan Pu)
Norway

Advertisements

Posted in Tongsan | Leave a Comment »

Tongsan Lom4 Hawm21

Posted by tongsannews on 24/05/2009

Tongsan Lom4 Hawm21

Posted in Tongsan | Tagged: | Leave a Comment »

Lungdampihna

Posted by khampeek on 19/05/2009

Tawilun

Tawilun

USA ateng Pa Pum Khan Lian (Sia Lianpu) Leh Nu Ciin Lian Vung (Vungpi) te tanu u pen Lia Cing Tawi Lun (Tawilun) in a sangkahna Milwakee, Wisconsin USA panin laipil tungtuanna  pahtawina (President´s Award for Educational Exellence) hong ngah ahih manin Zomibup tangin TONGSAN panin lungdampihna ih pulak hi.

Zomi Khangthakte in Lia Tawilun mah bangin mai lamah piltungtuanna ih ngahzawh nading  hanciam ciat ni. Tawilun zong mailam ah Gam leh Minam ading muan leh suan hong suahna dingin Topa´n thupha hongpiak sak ta hen.

Posted in Tongsan | Leave a Comment »

Tongsan Lom4 Hawm20

Posted by tongsannews on 17/05/2009

Tongsan Lom4 Hawm20

Posted in Tongsan | Tagged: | Leave a Comment »

LUNGDAMPIHNA

Posted by khampeek on 14/05/2009

LUNGDAMPIHNA

UNO  makaih na tawh  “8th Session of the Permanent Forum on Indigenous Issue” (UNPFII) thusinna pen May 16-29,2009 sung USA; New York khuapi ,UNO Zumpi ah kinei a leitung gam 200 pan palai mi 2000 kiim kihel hi. Tua lai ah Zomi Tedim kampau sensen Tg. Do Lem Kim(Kimpi), Editor of TONGSAN Weekly Journal,Kawlpi leh Chin Khan Muan (Thailand)te in thusinna ah kah thei ahih manin Zomibup tangin TONGSAN WEELY JOURNAL pan lungdampihna i pulak hi. Hih bang a UNO makaihna tawh vai thupi sungah Zomite i kihel zawhna pen Pasian thupha taktak ahi hi. Visa pen August 10 ni dong ngah a,US gam sung Zomite omna mun tuamtuam ah hawh kawikawi ding cih thukiza ahih manin, holimpihna leh thudotna tuamtuam i neihpih cait ding kisam hi. A khualzinna pan cidam tak in Kawlgam a tun kikna ding thungetna tawh phawk ciat ni. I Sanggam Kimpi leh Muanpi te tungtawn in i biak Pasian in mai lam Zomite sungah khantohna lianpi hong piang sak lai dingin i thungetna hisak hang. Pasian in Zomite thupha pia hen.

Minam leh Pasian nasepna kiu khat pan,

Sia Khampeek(Tongsan Pu)
Norway

Posted in News | Leave a Comment »