Tongsan Weekly Journal

“…ki-itna, lung kituakna, ngaihsutna kibang…” (Phil. 2:2)

Archive for July, 2009

Tongsan lom 4, hawm 30

Posted by khampeek on 29/07/2009

Tongsan lom 4, hawm 30

—————————————————

Advertisements

Posted in Tongsan | Tagged: | Leave a Comment »

KAWLPI AH ZOMI PASIAN NASEMTE THUSIN KHAWM DING

Posted by khampeek on 28/07/2009

Kawlpi ah Zomi Pasian nasemte Thusinkhopna:

Kawlpi (Leipi)ah ZCLS vaihawmna tawh Kamphen Kullo Ministers’ Conferene-October sungin kibawl ding hi. Pawlpi kim pan Pastor vekpi 600 kah dingin kigeel hi.

Tenta pia dingte:
Rev.Dr. Simon Pau Khan En- Transformation
Rev. Dr. Do Sian Thang- Mission
Rev. Dr. Thuam Khan Thang- Spirituality
Rev. Dr. Felix Lian Khen Thang- Ecumenism
Zomite sungah a om ngei nai lo khat hi in kilunglut mahmah hi.

Thupuak,
Dr. Thuam Khan Thang
Tedim

Posted in News | Leave a Comment »

HAUSA ZIAK IN KUANGZAWN BAN (By- Daniel Mangpu)

Posted by khampeek on 27/07/2009

HAUSA ZIAKIN KUANGZAWN BAAN

‘I Zawnin honghai sak’ cih taanglai Pu ten kamciin ana
neih mah bangun, khat veivei I lungsim sungah I sawmloh pikhat kiseem
khathei a, I ngimloh loh khat kipau khathei hi. I lungsim a omloh
na-ah I pumpi om khathei hi.
Mihau thuthei te panpih ni
Ei sanga anei zaw peuh amawhna ding zongin, tuahang hi,
tuahang hi peuh cithei hihang. A tuacih ha’ng zumah khia leng kiman
lel inteh peuh cimawkmawk hihang. I khuasung ah anei pian khat omleh
tuate Pheisam siam’ hi, Sumbawl haupian khat omleh aman vankham pua
hiven ci a I elbawl hang amau neihsa lah kiam tuanlo, ei a lah
khanglo, aneite mahin tu tadih anei hiphot hi. Tua ahih manin ei Zomi
sungah tuadan gamtat kampau zat nawnloh ding thupi kasa mahmah hi. Ei
khua eiveng sunga thupiang pen ei mahin geenkhia kei leng athei ding
omlo hi. Ki el bawl kilang bawl a igamtat leh kuama phawk lohin eiteng
mah gim kipia-in I zawn lawhlel ding hi.
I theihloh kalin mihau te hangin I gam sung I khua
sungah khantohna noptuamna tampi hongom ahihlam I phawk gige ding
kisam hi. Nidang 1965 kimpawlin Kawlpi pan anntang khe mahtawh kipua
1970 kimpawl ciang R.T.C mawtaw, 1990 hun ciangin I Zomi mihau te’
tungtawnin mawtaw hoihno (Maanlung) tawh guahzu taleh phamawh salo
nisa lehlah phamawh salo in mawtaw I tuang theita hi. Anei zawdeuh
pawl khatin a gamla pan singhoih nono mawtaw tawh ava puak uhciang, ei
aneilo ten khuanai zawdeuh a singteng tom thei in, guahtui zong
hongtam zawdeuh hi.
Mihau ten taihinn honglamin ei aneilo zawdeuh ten amau
deihloh singpek tetawh inn lamthei hihang. I vekin Taihinn vive bang
alam zo hileng sing kiphuuk lo zawdeuh dinga, guahtui hongmaan ding
hi. I tui-mei(electric) honghoih in mei vive tawh annhuan zoleng
singkung hongtam ciang, guahtui hongtam dinga, I khawhsa khamin i
nuntak hongnuam ding hi. I gamah singkung mahmah zong omlo keu
ngimngiam pen guahzuk nading thu I ngetnget hang’ a zusak ding Pa’
ading zong haksa kha veve dingin ka um hi. Tuazong hauhna panmah a
hong kizom thei thu hi.
Tuhun ciang thuzong kikhualto seemseem in ikhua mihau ten
ikhua ah khuapi te mahtawh kibangin van hongzuak uhciang I khuazang in
kinop tuam mahmah hi, gim pipi van puak kul nawnlo, nikhat I thabei
dingpen zingkhat in kiman thei hi. Mihau te’ hangmah hi.
Mi pil misiamte lamsang ni. Mi pawlkhatin amau sang apil zaw te geensia nuam uh hi.
Pasian naseem pawlkhat bang…..khuaneu khawngah vapai in tentan vapia in….bangci thei hiam cihleh… “hih kalim gialh(suaih) teng na en
toto leucin gamdang pai a Doctor tenzong hiteng mah asin hilel ai ve”
peuh ci-in va thuhilh gawp thei hi. Tuhun ciang Doctor zong tamin,
Doctor ihi a, ihi kei zongin mipi ten koihna (ciaptehna) khat hongnei
gige hilel hi. I gam sungah ki elel tawh khantohna hongpiang hetlo
ding, kilapsang hun hita hi. I gamsungah I theih ngeiloh pilna ciimna
tampi zong gamdang pilna sinten hongpuak ahihlam I mangngilh lohding
kisam hi. Iraq kumpi pa bang kipha sakin azawh lohpi American te
elbawl ahih manin amah ki gawlgui khai a, agam in tuni dong gal thuak
lawh hi.
Ki pahtawi ni.
‘Ei hong kipahtawi leh nuam mahmah napi hangin banghang en mi
pahtawi theilo se…Ei hong kilap saangding ut napi hangin banghang en
mi laamsang theilo’ihiam ki ngaihsun phani. Ei pen lampi ah kituak leng Hei! peuh kici in kisam mawk
hihang Midangte kipah tawi in lampi ah kituak le uh, mihaunu, mihaupa,
mipil pa, mihoih nu ci-in kisam lel uh hi. A heh kimlai zong kinui
hieuhiau zo hi. Sum beilo a lungnop kipiak na khat hi.
I theihloh kalin mihau mipil te hangin igamsung I khuasung ah
phattuamna tampi om a, I muhtang zong om a, I theihloh kalin I neek
pihpih zong om hi. I muh nailoh zong tampi mah omlai hi. Kidem bawl ki
elbawl ki zuakzuak, ki khiatkhiat tawh Zomite khangto loding hihang.
Asem tenzong hoih tak sem in, i panpih theihna te-ah kipan pih
in,kihuhin aki pahtawi siam Zominam te hini…Hausa ziakin kuangzawn
abat lam mangngilh keini. ———–“”———

Posted in Articles | Leave a Comment »

Pu Pum Za Kap (ZNC Founder) in hong nusia

Posted by khampeek on 27/07/2009

ZNC Founder Pu Pum Za Kap in zan ni in Zangkong pan in hong nusaita hi. Atangthu theihloh aphamawh om ahih manin tutadih akikaikhawm zo pak teng anuai aa bang hi.

Pu Pum Za Kap pen Thangsing, Ngaihte beh sungpan India gam,
Manipur State Suangdai Khua Hausapa tapa hi. Apu apa khanga kipan tuni dong mah
Suangdai ah siahkai lai uhi. Zangkong Bahosi Building 41, Room 18 ah
azi Nu Ciin (Naulak) tawh tanu 5 tawh om uhi. Tanu 3 na Lia Zamnu pen
Kawlgambup ah Lasiam Minthang khat hi’n Zomite in aki saktheih pih
mahmah khat hi.

Pu Pum Za Kap pen gam le minam it mahmah hi-a a kam bek tawh genlo zaw in
sepkhiatna tawh tangthu hoih tampi hong nusiat hi.

1. 1988 Kum Kawlgambup buaina hong om ciangin Mipi makaih General
Strike Committee pan Minam zui-in kihel ding hong gel uh ciang ei
Zomite zong Chin National Unity cih min tawh kiding in amah zong makai
in kihel hi. Bek thamlo in Siamsinte apiak Zopuan kop 30 (Numei pasal) zong hih lungphona ah kisilh hi.

2. SLORC kici Galkap Kumpi hong kah ciangin Party phuat ding lampi
hong ahimanin Zomite in zong Zomi National Congress ki phuan hi.
Zangkong ah Zomi Innlelo nei, sumlepai nei, pilna siamna nei tampi a
om hangin Makai ding leh Innlelo neihsa tawh mapang ding om zolo
ahimanin Pu Pum Za Kap in Minam itna tawh President maikaipi vaipuak
la in York Road a inn sapna ah ZNC Head Quater dingin zang sak hi. ZNC Sign Board zong suangpah ahih man in a innnei te tawh buai uh hi.

3. Zomi te tangthu ah a om ngeinai lo gam itna la le zawlla te ahi
Lengtong series sponsor sem in a phuankhia masa pen hi. Zogam pan
Zangkong ciahlekuan sumbei khem peuh sik in Zomi Khangno tampitak
pantah zo hi. Tua akipan in Suan Mang, Gohau(anung lam ciang) te unau’ makaih Lengtong
Band pan Lengtong Pauno, Cingsan, Lengtong Kamkhen cih bang in Zomite
Studio Music Tangthu hong ki pan khia hi. Hih Lengtong late hangin
India gam a teng Zomite le Kawlgam a teng Zomi te kikal kizopna tampi
khangto sak hi.

5. Biakna lam ah zong Dorcus Team kici Cingsan te unau Pasian La khumna
ding sponsor pia hi.

6. Zongeina lapi zong Kam Gin Mang(Tamu), Kham Min Thang(Kawlpi) cihte
makai in studio ah khum ngiat uha Pu Kap in sponsor sem hi. Tuni dong
Zomite sungah a kizang mahmah khat hi.

7. Sagaing ,Zuathit Kyi Khua a om Nationalities Development University
ah Zopuan kop(numei, pasal) 30, 1986 kum pawl in apiak khiat pen tuni dong
mah aki zanglai suak hi.

8. Zangkong Zomi Siamsin te a ding zong 1986 kum kim pawl in Zopuan kop
(numei, pasal) 30 piakhia hi.
1988 gambuai khit ciangin a tunna ki thei nawn lo hi.

9. Cidam in Khual azin zawh lai’n Zangkong ah Siamsin te sum kisam
peuh mah sum le pai tawh ahih theih zah in huh hi.

Zomi sungah sumbawl sumnei tampi a om hangin Pu Pum Za Kap
bangin gam le minam ading a sumngam, a piakhia ngam mi tam lo hi. Pu
Pum Za Kap pen kum 60 val bek leitung ah anuntak hangin Zomi ta ding a
mang ngeilo tangthu tampi hong nusiat hi. Zomi tading supna lian mahmah
hi. A dam lai a zi, a tate ading thu ngetsak ciat ni.

Pu Pum Za Kap’ thubul let kammal “Gam leh Minam a it theilo peuhmah master brain nei kici theilo hi”

Lungzuang khuangai kawm,

Thangboi
Zangkong

Posted in News | Leave a Comment »

ZOMI MOTOR THAK APNA LEH LUNGDAMKOHNA KINEI

Posted by khampeek on 20/07/2009

Zomi Motor thak apna leh lungdamkohna

VAIDAWNNA ANKUANG UMPIH
SK Gin Khan Pau (Taungzalat Zodamtui) in Madalay ah Zomi Mawtaw lei
apai ZYA committeete hong paktalua ing, ci in Kawlpi a nasai minthang
mahmah khatah an hong nekpih hi.
SK Gin Khan Pau in alungdamna thu hong genna ah; “Tu masiah Zomite
tangthu a-atten hibang hamphatna a at ding uh thu omnailo a, ahi zong in
leitung pianzawh a omnailo Zomi Mawtaw mitmuh in hong omta ahih manin tu
bansiah Zomite tangthu a gelhte in a gelhkhak kei uh leh tua tangthubu
simthamlo banah agelhte ahai hi ding hi” ci in a lungdamluatna thu hong pulak
hi.
ZOMI SEMINAR & LUNGDAMKOHNA

Leitungbup Zomi Innkuan President Dr. Chin Do Kham lunggulhna ombangin
ZYA in Kawlpi Zomi Pawlpi khempeuh kaikawmin Seminar leh Zomi Mawtaw kiapna
13 July 2009 ni in Emmanuel Baptist Church ah nei uhhi. Tua hunsungah
apaivekpi (naupang kihello) mi pi 400val pha hi. Zomi Khangno Kipawlna ZYA in
Leitungbup Zomi Innkuan President Dr. Chin Do Kham leh Leitungbup Zomi
Innkuan tungah lungdamkohna in Bawngtal gol mahmah khat gawh uh a, hong
pai mipi khempeuh anvak uhhi.
SIAMSINTE TAWH MAPANG KHAWM
Zomi Khangno Kipawlna ZYA in Rev. Dr.Chin Do Kham leh Leitungbup Zomi
Innkuan tungah lungdamkohna in 13.July 2009 ni’n Bawngtal gol mahmah
khat go in Kawlpi Zomi Pawlpi pan Sia le Upate leh kipawlna tuamtuam pan
makaite anvek uh ahih manin innteek ding mi kitangsamlua ahih manin
lenglado leh seplebawl akitangsam khempueh ah Siamsinte in ZYA tawh
mapang khawmin zindo khawm uhhi.
Guahzu daikai nuai ah Gim ing tawl ing cihetlo a minam a itna uh tawh ZYA
hong huh in ma hong pangkhawm Siamsinte tung ah ZYA committee in
lungdam thu kong pulak uh hi.

LUNGDAMNA LAIPI PIA:

Zomi Khangno Kipawlna ZYA in ZOMI Mawtaw hong leisak Leitungbup Zomi
Innkuan (LZI) tungah LUNGDAMKOHNA LAIPI pia uh a, Leitungbup
Zomi Innkuan aitang in Leitungbup Zomi Innkuan President Dr. Chin Do
Kham in sangna nei hi.

HAWMSIAM ZUAPA MINPHATNA PIA:

Zomi Khangno Kipawlna ZYA in, Zomite leh minam tuamtuamte tungah
phattuamna tampi abawl, Mangkangte in zong mipil a hong ciapteh sak uh ,
USA ah maitang mahmah in thawl mahmah hitamah leh a Pasian leh a
minamte mangngilh hetlo a Zomi leh Zogam hong veh den, hong lunghimawh
tinten den Rev. Dr. Chin Do Kham pen 13 July 2009 ni in Emmanuel Baptist
Church a kibawl Rev. Chin Do Kham leh Leitungbup Zomi Innkuan tungah
ZYA in lungdamkohna pawipi mipi mai ah HAWMSIAM ZUAPA cih
minphatna pia uhhi.

Ref: ZYA News
Kawlpi

Posted in News | Leave a Comment »