Tongsan Weekly Journal

“…ki-itna, lung kituakna, ngaihsutna kibang…” (Phil. 2:2)

Archive for the ‘News’ Category

Laigelh Kidemna om ding:

Posted by khampeek on 06/08/2009

Sangmang Rev.Dr.J.H Cope topa TEDIM KAMPAU ZOMITE sungah hong tun zawh
kum 100 cinna pawipi tawh kithuah khawmin Laigelh kidemna zong neih
ding CCJ Literature Committee in geelna kinei hi. Tua ahih manin
laigelh a uuk a kuamapeuh in nong hanciampihtek nadingun kong lamen uh
hi.

A thulu : ZOLAI MANPHATNA

Ngaihsut piakna: (a) Zolai kua in hong patsak
(b) Zolai biakna alamah a kizatna
(c) Sang laisimbu ah Zolai a kizatzia
(d) Zolai a kizun tohtohnate
(e) Zolai in hong piak pilna lam, sum
leh paai, ganhing khawina lam, Lo khawhna ..
cihte kihel ding hi.
(f) Laimai A-4 page (5) ciang pha ding
(g) Laimal 2500 leh 3000 kikal hi ding
(h) Type writer (or) Computer tawh khen ding
(i) A nunung pen 2009 December kha
ciang kisang ding hi.
(j) Man (passport) khat tawh khak ding

Puak nading mun : Rev. Suan Khen Mung
Convennor
CCJ Literature Committee
Tedim Baptist Convention
Tedim, Chin State

Email:

Advertisements

Posted in News | Leave a Comment »

ZOSIAM PROJECT VAI PULAKNA

Posted by khampeek on 06/08/2009

ZOSIAM PROJECT TAWH KISAI HONGTANG KO THAKNUAM ING.

Pasian in akinusia abang Zogam leh akilamto dinga kithawi Zomi te
phatnuam nading honglamlahna tungtawn in ZOSIAM PROJECT hong phul
khia hi.

Zomi te sungah Pasian thu leh tua tawh hongtawnkhawm khantohna te
ikisap na tungtawn in Ih Zomi te sunga MBBS/BDS leh NURSE te tawh
kithuah in gospel paiding kalunggulh mahmah na tungtawn in alunggulh
nihleh thum kikum khawm in ZOSIAM PROJECT hong piang khia hi.
ZOSIAM ( Zomi Spiritual and Medical Treatment ) PROJECT ahihi.

Kum 2009 ading Project masa pen Manipur gamgi pan kipan dinga
Center pi nih ah kipan phot ding hi.

Tukum adingin anuai amunnih kitel phot hi.

1. Haiciin – akim a khuaneu teng zong sam ding.
2. Tuimang – akim a khuaneu teng zong sam ding.

Kipat hunding pen: Dec 7 ni Kawlpi pan dingkhia ding.
Dec 8-10………..Haiciin center ah.
Dec 11-13……… Tuimang center ah.
hiphot ding hi.

Amunmun a Hausa leh biakna makai te tawh kithuah khawmding .

Hungeeldan ding pen: # Sun sung teng Siavuan ten cidamna lam tavuan lading.
# Nitak sim pen Pasian thu tangko
na kinei ding hi.

Tukum in Siavuan ding pen Mandalay a Siavuan sinte sungpan ki panphot ding hi.

Zomi te kha lamah asi tampi i om ban ah taksa lamah inatna itheihloh
manin asi tamlua ihih manin tuahangin veina lianpi akinei ahihi.

Zatui zaha leh sumleh paai tawh ma hong pang khawm nuam te adingin
zong kong kihong den hi.Malaysia a om Zomi te tungpan in nakpitak
mapanna ki ngah khin hi.

Anuai a mite tungah ki contact thei ding hi.

1. Rev. Pau Khan Khai – Coordinator – Kalaymyo
Email: paukhai@gmail.com
Phone : 0095-73-21751
2. Pau Lun Min Thang – Yangon
Phone: 095042366
3. Kam Suan Mung -Kalaymyo

It na lianpi tawh,

Posted in News | Leave a Comment »

KAWLPI AH ZOMI PASIAN NASEMTE THUSIN KHAWM DING

Posted by khampeek on 28/07/2009

Kawlpi ah Zomi Pasian nasemte Thusinkhopna:

Kawlpi (Leipi)ah ZCLS vaihawmna tawh Kamphen Kullo Ministers’ Conferene-October sungin kibawl ding hi. Pawlpi kim pan Pastor vekpi 600 kah dingin kigeel hi.

Tenta pia dingte:
Rev.Dr. Simon Pau Khan En- Transformation
Rev. Dr. Do Sian Thang- Mission
Rev. Dr. Thuam Khan Thang- Spirituality
Rev. Dr. Felix Lian Khen Thang- Ecumenism
Zomite sungah a om ngei nai lo khat hi in kilunglut mahmah hi.

Thupuak,
Dr. Thuam Khan Thang
Tedim

Posted in News | Leave a Comment »

Pu Pum Za Kap (ZNC Founder) in hong nusia

Posted by khampeek on 27/07/2009

ZNC Founder Pu Pum Za Kap in zan ni in Zangkong pan in hong nusaita hi. Atangthu theihloh aphamawh om ahih manin tutadih akikaikhawm zo pak teng anuai aa bang hi.

Pu Pum Za Kap pen Thangsing, Ngaihte beh sungpan India gam,
Manipur State Suangdai Khua Hausapa tapa hi. Apu apa khanga kipan tuni dong mah
Suangdai ah siahkai lai uhi. Zangkong Bahosi Building 41, Room 18 ah
azi Nu Ciin (Naulak) tawh tanu 5 tawh om uhi. Tanu 3 na Lia Zamnu pen
Kawlgambup ah Lasiam Minthang khat hi’n Zomite in aki saktheih pih
mahmah khat hi.

Pu Pum Za Kap pen gam le minam it mahmah hi-a a kam bek tawh genlo zaw in
sepkhiatna tawh tangthu hoih tampi hong nusiat hi.

1. 1988 Kum Kawlgambup buaina hong om ciangin Mipi makaih General
Strike Committee pan Minam zui-in kihel ding hong gel uh ciang ei
Zomite zong Chin National Unity cih min tawh kiding in amah zong makai
in kihel hi. Bek thamlo in Siamsinte apiak Zopuan kop 30 (Numei pasal) zong hih lungphona ah kisilh hi.

2. SLORC kici Galkap Kumpi hong kah ciangin Party phuat ding lampi
hong ahimanin Zomite in zong Zomi National Congress ki phuan hi.
Zangkong ah Zomi Innlelo nei, sumlepai nei, pilna siamna nei tampi a
om hangin Makai ding leh Innlelo neihsa tawh mapang ding om zolo
ahimanin Pu Pum Za Kap in Minam itna tawh President maikaipi vaipuak
la in York Road a inn sapna ah ZNC Head Quater dingin zang sak hi. ZNC Sign Board zong suangpah ahih man in a innnei te tawh buai uh hi.

3. Zomi te tangthu ah a om ngeinai lo gam itna la le zawlla te ahi
Lengtong series sponsor sem in a phuankhia masa pen hi. Zogam pan
Zangkong ciahlekuan sumbei khem peuh sik in Zomi Khangno tampitak
pantah zo hi. Tua akipan in Suan Mang, Gohau(anung lam ciang) te unau’ makaih Lengtong
Band pan Lengtong Pauno, Cingsan, Lengtong Kamkhen cih bang in Zomite
Studio Music Tangthu hong ki pan khia hi. Hih Lengtong late hangin
India gam a teng Zomite le Kawlgam a teng Zomi te kikal kizopna tampi
khangto sak hi.

5. Biakna lam ah zong Dorcus Team kici Cingsan te unau Pasian La khumna
ding sponsor pia hi.

6. Zongeina lapi zong Kam Gin Mang(Tamu), Kham Min Thang(Kawlpi) cihte
makai in studio ah khum ngiat uha Pu Kap in sponsor sem hi. Tuni dong
Zomite sungah a kizang mahmah khat hi.

7. Sagaing ,Zuathit Kyi Khua a om Nationalities Development University
ah Zopuan kop(numei, pasal) 30, 1986 kum pawl in apiak khiat pen tuni dong
mah aki zanglai suak hi.

8. Zangkong Zomi Siamsin te a ding zong 1986 kum kim pawl in Zopuan kop
(numei, pasal) 30 piakhia hi.
1988 gambuai khit ciangin a tunna ki thei nawn lo hi.

9. Cidam in Khual azin zawh lai’n Zangkong ah Siamsin te sum kisam
peuh mah sum le pai tawh ahih theih zah in huh hi.

Zomi sungah sumbawl sumnei tampi a om hangin Pu Pum Za Kap
bangin gam le minam ading a sumngam, a piakhia ngam mi tam lo hi. Pu
Pum Za Kap pen kum 60 val bek leitung ah anuntak hangin Zomi ta ding a
mang ngeilo tangthu tampi hong nusiat hi. Zomi tading supna lian mahmah
hi. A dam lai a zi, a tate ading thu ngetsak ciat ni.

Pu Pum Za Kap’ thubul let kammal “Gam leh Minam a it theilo peuhmah master brain nei kici theilo hi”

Lungzuang khuangai kawm,

Thangboi
Zangkong

Posted in News | Leave a Comment »

ZOMI MOTOR THAK APNA LEH LUNGDAMKOHNA KINEI

Posted by khampeek on 20/07/2009

Zomi Motor thak apna leh lungdamkohna

VAIDAWNNA ANKUANG UMPIH
SK Gin Khan Pau (Taungzalat Zodamtui) in Madalay ah Zomi Mawtaw lei
apai ZYA committeete hong paktalua ing, ci in Kawlpi a nasai minthang
mahmah khatah an hong nekpih hi.
SK Gin Khan Pau in alungdamna thu hong genna ah; “Tu masiah Zomite
tangthu a-atten hibang hamphatna a at ding uh thu omnailo a, ahi zong in
leitung pianzawh a omnailo Zomi Mawtaw mitmuh in hong omta ahih manin tu
bansiah Zomite tangthu a gelhte in a gelhkhak kei uh leh tua tangthubu
simthamlo banah agelhte ahai hi ding hi” ci in a lungdamluatna thu hong pulak
hi.
ZOMI SEMINAR & LUNGDAMKOHNA

Leitungbup Zomi Innkuan President Dr. Chin Do Kham lunggulhna ombangin
ZYA in Kawlpi Zomi Pawlpi khempeuh kaikawmin Seminar leh Zomi Mawtaw kiapna
13 July 2009 ni in Emmanuel Baptist Church ah nei uhhi. Tua hunsungah
apaivekpi (naupang kihello) mi pi 400val pha hi. Zomi Khangno Kipawlna ZYA in
Leitungbup Zomi Innkuan President Dr. Chin Do Kham leh Leitungbup Zomi
Innkuan tungah lungdamkohna in Bawngtal gol mahmah khat gawh uh a, hong
pai mipi khempeuh anvak uhhi.
SIAMSINTE TAWH MAPANG KHAWM
Zomi Khangno Kipawlna ZYA in Rev. Dr.Chin Do Kham leh Leitungbup Zomi
Innkuan tungah lungdamkohna in 13.July 2009 ni’n Bawngtal gol mahmah
khat go in Kawlpi Zomi Pawlpi pan Sia le Upate leh kipawlna tuamtuam pan
makaite anvek uh ahih manin innteek ding mi kitangsamlua ahih manin
lenglado leh seplebawl akitangsam khempueh ah Siamsinte in ZYA tawh
mapang khawmin zindo khawm uhhi.
Guahzu daikai nuai ah Gim ing tawl ing cihetlo a minam a itna uh tawh ZYA
hong huh in ma hong pangkhawm Siamsinte tung ah ZYA committee in
lungdam thu kong pulak uh hi.

LUNGDAMNA LAIPI PIA:

Zomi Khangno Kipawlna ZYA in ZOMI Mawtaw hong leisak Leitungbup Zomi
Innkuan (LZI) tungah LUNGDAMKOHNA LAIPI pia uh a, Leitungbup
Zomi Innkuan aitang in Leitungbup Zomi Innkuan President Dr. Chin Do
Kham in sangna nei hi.

HAWMSIAM ZUAPA MINPHATNA PIA:

Zomi Khangno Kipawlna ZYA in, Zomite leh minam tuamtuamte tungah
phattuamna tampi abawl, Mangkangte in zong mipil a hong ciapteh sak uh ,
USA ah maitang mahmah in thawl mahmah hitamah leh a Pasian leh a
minamte mangngilh hetlo a Zomi leh Zogam hong veh den, hong lunghimawh
tinten den Rev. Dr. Chin Do Kham pen 13 July 2009 ni in Emmanuel Baptist
Church a kibawl Rev. Chin Do Kham leh Leitungbup Zomi Innkuan tungah
ZYA in lungdamkohna pawipi mipi mai ah HAWMSIAM ZUAPA cih
minphatna pia uhhi.

Ref: ZYA News
Kawlpi

Posted in News | Leave a Comment »