Tongsan Weekly Journal

“…ki-itna, lung kituakna, ngaihsutna kibang…” (Phil. 2:2)

Tongsan Thu

TONGSAN Weekly Journal piankhiatna

Tuhun leitung mihingte pilna, siamna leh hauhna khang mahmah hi. Tua bang a khantohna sungah thukizakna ( Information Technology-IT ) bekbek kithupi ngaihsut ahih manin, leitung pen a neu semsem suak hi. Tua manin mipilte in leitung khuaneu (Global Village) ci in minute tawmno sungin leitungbup thukiza thei hi. Zomite zong khuahun luan zia tawh kizui-in thukizak tuahna lamah i khuadak hong kul ta hi.

A beisa 2002 kumin Zomite khuapi ahi Kawlpi pan minam veii makai pawl khat hanciamna tawh Zo Aw thukzakna kiphuan khia hi. Tua bang kawm kal pan 2006 February sungin Kumpi lamte leh thu tuamtuam hang tawh kidin khawl hi. Zo Aw pen i minam sungah kizel in, kum 4 sung bang lawhcinna leh phattuamna tampi kinei man hi. Tua bang a kidin khawl hangin Editor leh Manager hunbit nasem Pu Thang Sian Kham (Sia Khampeek) mahin amin khekin TONGSAN ci in minam veiina tawh October 21,2006 ni akipan hong zom kik hi.

TONGSAN cih a khiatna pen i Zo lakam hi-in TONG-Tongdam pan hong pai/ kila ahi hi. Tongdam i cih leuleu ciangin kampau/kammal cihna ahi hi. Tua kammal pen lai tawh i gelh ciangin Thu hong suak hi. Tua hih manin Tongdam pan TONG kilakhia a, Sang pan SAN kila khia hi. TONG leh SAN a kigawm ciangin TONGSAN hong suakin, a khiatna taktak pen thusanna/ thungahna leh thukizaktuahna kici hi. Tua manin TONGSAN Weekly Journal kici thei ahi hi.

NGIMNA LEH DEIHNA (Aims and Object)
Leitungbup Zomite in thukizaktuahna pan ki-itna, kipumkhatna,thumuhna , kimeltheihna leh khantohna nei ding ngimna kinei hi. Pilna siamna thupisak in, khat leh khat kihuh kipanpihtuah a, Pasian kihtakna panin thupha ngah minam picing khat i suahna ding ngimna leh deihna bulpi ahi hi. Tua bek tham loin Lai nasepna lamah suahtakna nei a,lai nasepna tawh minam kemin, zuun in picingsak semsem ding hi.

NASEP ZIA DING: (Mission )
Leitung thu leh biakna thu kilekkim a kalsuan khawm theihna ding leh minam dang lai lam nasem khempeuh tawh kizom khawm ding hi. Mimal, kipawlnate leh minam khantohna ding thute mipite tungah hawm sawn den ding hi. Lai thupit zia leh lai in minam akem ahihna te pholak tawntung ding hi. Mai lamah gam sung kikhelna zui in,TONGSAN kalsim(Weekly) bek hi loin, TONGSAN nisim (Daily News) ciang dong sep zawhna nang kihanciam ding hi. Tongsan pen Leitungbup Zomi khempeuh kiangah akizel zawhna ding kihanciam lai ding hi.

Advertisements

4 Responses to “Tongsan Thu”

  1. mang sen said

    Tongsan member lut nuam ing.

    • Thang Khan Tung said

      Dear Lawm Mangsen,

      Hih bang a Tongsan Journal na ah member ding na lunglutnate ka muh ciangin, minam leh lai it mi khat na hihna ka telsiam pah a,kong pakta mahmah hi. Nang zong mipil leh thumu khat hi hamtang ding cih zong kong lamen lai hi.

      Tua hi in Tongsan lai nasepna ah member ding pen a kideih leh a kisam mahmah hi.Tongsan a dingin na pilna, siamna leh neihsa a kipan hihtheihna bangbang tawh mapang khawm dingin kong zawn uh hi. Tongsan memberte tawh kizopna ding na address kician nong piak dingin kong ngen uh hi. Topan thupha hong pia hen.

      Minam leh Pasian nesepph,

      Sia Khampeek(Tongsan Pu)
      Founder and CEO
      Norway (EU)
      Mob: 0047-99485829

  2. Hih Ih Tongsan laihawm thupi mahmah ei. Onghanciam toto lai vo makaite.

  3. lam khen said

    nak hoih mahmah ei, a cidam nadingin, ong hanciam un, tatsatlo in, a nuntak nading…

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

 
%d bloggers like this: